سمو الشيخ خالد بن حمد آل خليفة
English
شعر

يابوي يا فخر العرب

كلمات : سمو الشيخ خالد بن حمد آل خليفة

يابوي يا فخر العرب  والكون يا فخر السنين
العز أشوفه في  عيونك  أنت  عزي  وإسِعّدي
.
يوم المعارك  حاصرتنا من  يسار  ومن  يمين
وقفت  أمامك  وأحتزمت  وقلت  أمرك  سيّدي
.
أقولها    وآردد    وشعبك    معاي    مردديين
إرقى يا بوسلمان  لـ سهيل اليماني  والجدي
.
عن  معركتنا  فاليمن  يا سيدي  أخذ  اليقين
يوم  أجتمعنا  كلنا  لـ الخاين  ولـ المعتدي
.
أعدائنا في عيد الاضحى  والشعوب  معيدين
حنا  ذبحناهم  مثل  ذبح  الاضاحي  والفدي
.
دون  اليمن  دون  السعوديه  بلاد  المسلمين
حتى  المواطن    دونها    للعسكريه  يهتدي
.
في  ظل  قادات  التحالف  حازمين  وعازمين
الشعب  فيهم  يعتزي  والجيش  منهم  يبتدي
.
سلمان سلمان الحزم  والعزم  والراي  الثمين
يا خادم  البيتين  حنا  دون  دارك  نفتدي
.
وتعيش يا محمد يا ابوخالد  يا نسل  الطيبين
زايد  ويفداه  الكفو  من  قبل  يفداه  الردي
.
وأبوي  قائدنا  حمد  له  الولاء  والحب  دين
يكفيني    إنه    والدي    وسيدي    وقائدي
.
وأنا  ولدكم    وأفتخر  فيكم  ورب    العالمين
إني  لكم  وأفداكم  بروحي  ودمي  وإجسدي
.
كثر الحكي ماني بـ أحبه  بس عندي  كلمتين
وأنا لساني لا حكى  يحكي  بما  تفعل  يدي
.
وعدتكم  آخذ  بثار  جنودنا  المستشهدين
والجيش يدري  فاليمن والله ما اخلفت إوعدي
.

فدى حكامنا

كلمات : سمو الشيخ خالد بن حمد آل خليفة

.
دون  الخليج  أعمارهم .
راحت يا طيب أقدارهم .
أستشهدوا دون الخليج .
لـ ان  الخليج  ديارهم .!
.
من الذهب ومن الفخر .
أسمائهم  سطر سطر .
وبـ قلوبنا  طول العمر .
بـ أفعالهم  وأذكارهم .!
.
حنا  فدى  حكامنا .
لو  ( القبر )  قدْامنا .
بأرواحنا  وأجسامنا .
نروح  فدوة  دارهم !
.
سلمان سلمان الحزم .
وخليفه  أمجاد  وكرم .
وحمد من العز أحتزم .
يوقفون  لـ جارهم  .!
.
كفو  يا حكام  الخليج .
صدى فعايلكم ضجيج .
وجيوشنا كنهم حجيج .
الله أساس أنصارهم .!
.
جنودنا  وسط  اللحد .
يا جيش وقف وأستعد .
ماني بـ خالد بن حمد .
إن ما خذيت بـ ثارهم !

++++++++++++++++++++++++++++ 

اجمل محطات العمر

كلمات : سمو الشيخ خالد بن حمد آل خليفة

يا اجمل محطات العمر .
وألطف من ورود الزهر .
إفتخري بـ حبي وانا .
دايم بـ حبك أفتخر !

في عيد ميلادك اشوف .
الافكار والمعنى صفوف .
تسابقت كل الحروف .
والهاجس الغايب حضر .

العيد بـ افراحه يجيك .
أنا أهني العيد فيك .
والعمر كله يفتديك .
مافيه من دونك عمر !

منك يغارون البنات .
من العيون الناعسات .
وأنتي على كل الصفات .
ما جبتي للحاسد خبر .

شوفك على غيري مُحال .
حبيبتي : صعبة منال .
بس القمر شافك وقال .
الحين من فينا القمر ؟!

خذتي من الورد النعيم .
ومن المطر زخات ديم .
ومن الهوى نفح النسيم .
ومن شاعرك اجمل شعر !

بنت الملوك الطيبين .
حكام نجد الصاملين .
تاريخهم طول السنين .
اصبح لهم مجد وفخر .!

بالمختصر هذي سحاب .
مكانها فوق السحاب .
ومن فوق تلعات الرقاب .
ما مثلها بين البشر .!

+++++++++++++++++++++++++++

أغلى من عيوني الثنتين

كلمات : سمو الشيخ خالد بن حمد آل خليفة

يا مرحبا يالغلا كله .
واغلى من عيوني الثنتين .

طلت و يا زين هالطله .
منها يغار الحلا والزين .

افراحنا اليوم منهله .
اليوم هو ثالث العيدين .

والليله الشعر في حله .
يفرح مثل فرحتي الحين .

غلاك من هو بـ يوصله ؟
بعيد حتى على الغالين .

مكانك الحب يحتله .
في داخل القلب والا العين .

غلاك يا بنت عبدالله .
في قلب خالد يدوم سنين .

حبك على الدين والمله .
وباقي بـ قلبي ليوم الدين .

الشوق لك كثره وقله .
والقلب والعين مشتاقين .

رحتي وراح الفرح كله .
وجيتي ونورتي البحرين .

+++++++++++++++++++++

حنا مع الابل

كلمات : سمو الشيخ خالد بن حمد آل خليفة

حنا مع الابل واهلها لا تعصبنا .
على ظهور الركايب نعنزي فيها .

لا شوشت روسنا شاشت ركايبنا .
ولا درهمت هزت الارض بمواطيها .

لو الزمن ضدنا ما هو بغالبنا
ما كن فالارض صوت الا عزاويها

شبابنا يفتخر فيها وشايبنا .
وان طابت افعالها من طيب راعيها

عنها لو الوقت بعدنا و قربنا .
هذي ( عطايا الله ) اللي ما نخليها .

الهجن كانت سرايانا وكتايبنا .
نفخر بها والعرب تفخر بماضيها .

شاركـنـا !